O Instituto Galego de Promoción Económica (IGAPE), xunto coa Universidade de Santiago de Compostela (USC) e BICMINHO, e baixo o marco do proxecto POCTEP ACEint, organiza unha xornada, o próximo 2 de outubro de 2015 en Santiago de Compostela, co obxectivo de favorecer encontros bilaterais entre empresas e entidades galegas e portuguesas enmarcadas no sector tecnolóxico.

Se a túa empresa pertence ao sector tecnolóxico e quere darse a coñecer noutros sectores, este é o teu evento.
Data: 2 de outubro de 2015
Hora: de 11:00 a 17:15 h
Lugar: Auditorio da Biblioteca da Cidade da Cultura, Santiago de Compostela

O programa da xornada é o seguinte:

• 11:00-11:15 Recepción e acreditación de asistentes.
• 11:15-11:30 Presentación institucional.
• 11:30-12:30 Sesión inaugural “Somos híbridos”, con Enrique Dans, (  investigador, divulgador e  asesor a startups en materia de rede e tecnoloxía. Profesor de Sistemas de Información en IE Business School..
• 12:30-13:30 Sesións paralelas:
• Pecha-kucha “Abrindo portas” Presentacións de proxectos e empresas innovadoras. Presentado por Iñaki Quenerapú, evanxelizador dixital e pensador de nomes.
• “Imaxinemos un futuro xuntos...” Encontros bilaterais entre empresas-entidades, xa pre-concertadas e con espazo reservado.
• 13:30-15:00 Xantar networking “Tapas híbridas”, incluído na inscrición.
• 15:00-17:00 Espacio-lab:“Design thinking ou thinking design?” Impartido por Diego Parajó, experto en innovación social. Xeneme Intervención Social.
• “Construción e deseño con cultura maker” Impartido por Álvaro Rey, de MakerGal.
• 15:00-17:00 Espazo reunións
• 17:00-17:15 Peche

Tanto se queres realizar unha presentación do teu produto/servizo/proxecto en formato pecha-kucha, como se queres formar parte dun encontro bilateral con outra empresa/entidade, ou simplemente asistir e escoitar, é necesario que cubras o formulario de inscrición.

A entrada e participación é de balde.

INSCRICIÓN

O xoves, día 1 de outubro, no Pazo de Feiras e Congresos de Lugo, desenvolverase a Xornada Galicia Emprende, impulsada polo Igape en colaboración coa Escuela de Organización Industrial e cofinanciada polo Fondo Social Europeo,co obxectivo de impulsar a iniciativa emprendedora e a consolidación de novos proxectos empresariais.

Os emprendedores poderán asesorarse en marketing, finanzas e estratexia empresarial e internacional, así como grabar en vídeo os seus proxectos.  Realizaranse ademais talleres de comunicación do plan de negocio e de coaching.

Por outra banda,  terá lugar unha charla de financiamento e unha mesa redonda con experiencias de emprendedores.

A xornada forma parte dun ciclo de encontros  arredor do emprendemento que se celebrarán tamén, durante as próximas semanas, en A Coruña e Vigo, así como un Foro de Emprendemento en Santiago.

Programa xornada Lugo

Inscrición (gratuíta)

O IGAPE inicia os primeiros dunha serie de programas de inmersión en inglés, relacionados coa internacionalización empresarial.

“A segunda fase de selección faráse cos inscritos ata o 9 de setembro de 2016”

Tipo de formación: presencial en grupos reducidos dun máximo de 10 persoas, en fin de semana (sábado e domingo) incluído manutención e aloxamento.

Duración dos cursos ofertados e número de prazas:

• 4 Cursos de duración corta: 1 fin de semana no período de outubro a decembro de 2015, de temática puntual de interese para a tipoloxía de inscritos ao curso. Total 20 horas (Máximo: 40 prazas, 10 por curso).

O Proxecto ENTIC, www.entic.eu enmárcase na iniciativa de Cooperación Transfronteiriza España-Portugal (POCTEP), financiada polo Fondo Europeo de Desenvolvemento Rexional (FEDER) da Unión Europea no que participan 9 socios, liderados polo IGAPE. ENTIC ten como obxectivo favorecer o desenvolvemento e a incorporación ás pemes de medidas de eficiencia enerxética apoiadas en solucións TIC como factor de competitividade.

Nesta xornada de peche:

1.- Presentaránse os resultados do proxecto

2.- Falarase das oportunidades que trerá consigo o novo periodo de programación FEDER 2014-2020

3.- Contarase coa participación de D. Jorge Morales de Labra, experto no sector que ten promovido e dirixido  empresas con presencia en todas as ramas do sector eléctrico: dende a producción ata a venda ao consumidor final pasando pola xestión de redes e  que falará sobre a importancia do deseño da tarifa eléctrica no aforro e eficiencia enerxéticos e o papel do autoconsumo.

4.- Finalmente terá lugar un debate coa participación dos clústeres galegos do sector enerxético máis representativos.

Asistencia gratuíta - aforamento limitado.

Programa da xornada