Lugar: Salon de actos do Museo Pedagóxico de Galicia (San Lázaro, 107 - Santiago de Compostela)
http://www.edu.xunta.es/mupega/taxonomy/term/14
Data: 8 de abril de 2015
Horario: de 10.00 a 12.00
Para inscribirse debe vostede rexistrarse como usuario desta páxina.
A Consellería de Economía e Industria a través do IGAPE e máis a Consellería de Traballo e Benestar, van poñer en marcha nas próximas semanas un programa piloto de profesionalización dirixido especialmente aos centros especiais de emprego.
A iniciativa xurde dentro da colaboración que ambas entidades están a manter dentro da “rede EuSumo” de cooperativismo e economía social, e está cofinanciada polo Fondo Social Europeo e o IGAPE.
O obxectivo é poñer en funcionamento un servizo de formación-acción en 11 Centros Especiais de Emprego co fin de mellorar a súa competitividade a través da profesionalización dos seus equipos de xestión. Dito servizo terá unha duración de 5 a 6 meses e a participación será gratuíta para os centros seleccionados.
Co fin de dar a coñecer a iniciativa en profundidade, e invitar á participación dos Centros Especiais de Emprego interesados, invitámoslle a participar na xornada que terá lugar o próximo 8 de abril no Salón de Actos do Museo Pedagóxico de Galicia (San Lázaro, 107, Santiago de Compostela) co seguinte programa:
- 10:00 Recepción de asistentes
- 10:15 Presentación do programa
- Carme Bouso Montero, directora xeral de traballo e economía social
- Javier Aguilera Navarro, director xeral do IGAPE
- 10:45 Descrición detallada do servizo
- Gerardo Estévez Suárez, director xeral da empresa “Dirección por Implicación”
- 11:30 Coloquio
