Fomentar a participación dos agricultores e gandeiros nos programas de produción e mellora dos produtos agroalimentarios galegos con calidade diferenciada, que poñan en valor a produción de alimentos de calidade diferenciada, mediante a contribución ao financiamento dos custos fixos que esta participación ocasiona.
Axuda en réxime de concorrencia competitiva polo sistema de rateo.
Os produtores que participen nalgún dos programas de calidade diferenciada dos produtos agroalimentarios definidos na letra b) do artigo 2, recollidos no PDR de Galicia 2007-2013.
Agroalimentario
Serán subvencionables, excluídos impostos recuperables, os gastos derivados da inscrición e as cotas de participación nun programa de calidade diferenciada dos alimentos do sector agroalimentario galego, incluíndo, se é o caso, os gastos de rexistro, control ou inspección e certificación necesarios para comprobar o cumprimento das especificacións do programa. Non se considerarán subvencionables os custos internos ou de autocontrol.
Para a convocatoria de 2014, serán atendibles os gastos imputados á campaña anual que comprende o período que vai do 1 de xuño de 2013 ata o 31 de maio de 2014.
A contía da axuda poderá chegar ata o 100 % dos gastos subvencionables realizados, sen superar os 3.000 euros anuais por explotación, durante un período máximo de cinco anos.
Un mes, contado a partir do día seguinte ao da publicación desta orde no Diario Oficial de Galicia.
Estas axudas son compatibles ata o 100% dos gastos subvencionables con calquera outra para o mesmo fin que non teña financiamento total ou parcial do Feader ou doutros fondos da Unión Europea, sen superar os 3.000 anuais por explotación.
Os beneficiarios teñen a obriga de comunicarlle de inmediato ao órgano concedente calquera subvención, axuda ou ingreso que, para a mesma finalidade e de calquera procedencia, solicitase ou lle fose concedida ou pagada.
Orde do 11 de xuño de 2013 (DOG Nº116 do 19/06/2013) - Bases reguladoras
Orde do 5 de xuño de 2014 (DOG Nº112 do 13/06/2014) - Convocatoria 2014
CONSELLERÍA DO MEDIO RURAL E DO MAR
DIRECCIÓN XERAL DE PRODUCIÓN AGROPECUARIA
SUBDIRECCIÓN XERAL DE INDUSTRIAS E CALIDADE AGROALIMENTARIA
RÚA IRMANDIÑOS S/N - SALGUEIRIÑOS
15701 SANTIAGO DE COMPOSTELA
Teléfono: 981540055 Fax: 981540018