A Xunta continúa o ciclo de videoconferencias sobre as oportunidades para as exportacións galegas en diversos destinos mundiais. Despois de coñecer a situación dos mercados de Marrocos, Estados Unidos, México e China, a Antena Igape no Perú achegará análises sobre as oportunidades e as perspectivas económicas para as vendas galegas nese destino no actual contexto internacional.

O encontro celebrarase o vindeiro xoves 8 de abril ás 16.30 horas. Ademais do director da Antena Igape, intervirán representantes da Oficina comercial do Perú en España e do Ministerio de Transportes e Comunicacións peruano, ademais do director da Cámara de Comercio de Lima e presidente do Gremio TIC.

Así mesmo, as empresas asistentes interesadas poden pedir unha cita coa Antena Igape para celebrar entrevistas individuais -con formato de punto de encontro dixital- os próximos días 12, 13 e 14 de abril pola tarde.
 
Programa, inscricións e solicitudes de entrevista