Encontro empresarial coa plataforma da rede Pexga en China.
Do 14 ao 18 de novembro
O Instituto Galego de Promoción Económica (Igape) e a Confederación de Empresarios de Galicia (CEG) organizan conxuntamente o Encontro coa Plataforma Pexga en China, que terá lugar do 14 ao 18 de novembro.
China preséntase como un país de grandes oportunidades en multitude de sectores e actividades, pero non só como un mercado de aprovisionamento e proveduría, senón tamén como un importante destino para os produtos e servizos das empresas galegas. Así o confirman os datos relativos ás exportacións galegas ao mercado chinés, que aumentaron preto do 24% no exercicio 2015 respecto ao ano anterior, ás que hai que sumar outro incremento do 4% rexistrado durante o primeiro semestre de 2016. Dese modo, o volume de negocio xerado polas exportacións galegas a China supuxo máis de 220 millóns de euros.
Javier Bahut Vega, Director da Plataforma, estará a disposición das empresas para as seguintes actividades:
Luns 14: Seminario Oportunidades Económicas e Recomendacións Prácticas de Negociación en China, a partir das 9.30 h na sede do Igape (Complexo Administrativo de San Lázaro, s/n, Santiago de Compostela).
Luns 14 e venres 18: Entrevistas persoais na sede do IGAPE. As empresas poderán solicitar entrevistas bilaterais co representante da plataforma, que lles permitirán expor as cuestións relativas aos seus proxectos en China de forma individual e coñecer de primeira man de qué forma os servizos que ofrece a oficina lle poden ser de utilidade. O horario previsto para a realización das entrevistas bilaterais será o luns 14 de 12.30 a 19.00 h., e o venres, día 18, de 9.00 h a 14.30 h.
Programa
Formulario de inscrición
A participación en calquera destas actividades é gratuíta e require inscrición previa. Dado que as prazas son limitadas, as solicitudes atenderanse por rigorosa orde de chegada.
Ademais, ao longo da semana, completarán o programa outra serie de actividades que terán como escenario as cidades da Coruña, Lugo, Ourense e Vigo.
- Martes 15 de novembro (sesión de mañá). Vigo. Confederación de Empresarios de Pontevedra. Máis información no 986 439 611 ou no seguinte enlace.
- Mércores 16 de novembro (sesión de mañá e tarde). Ourense. Confederación Empresarial de Ourense. Máis información no 988 391 110 ou no europeos@ceo.es
- Xoves 17 de novembro (sesión de mañá). A Coruña. Confederación de Empresarios da Coruña. Máis información no 981 133 702.
- Xoves 17 de novembro (sesión de tarde). Lugo. Confederación de Empresarios de Lugo. Máis información no 982 231 150.
Formulario de Inscrición
|
|
|
|
