BOLSAS FORMATIVAS PARA A REALIZACIÓN DE PROXECTOS DE MELLORA NAS PEMES GALEGAS. NOVOS TITULADOS.
O Diario Oficial de Galicia publicou o pasado 16 de xuño a resolución do Igape coa convocatoria, en réxime de concorrencia competitiva, do programa de bolsas formativas para a realización de proxectos de mellora nas pemes galegas, no ámbito do programa Reacciona.
O obxecto da convocatoria aberta é a concesión de 100 bolsas para a realización de prácticas formativas incardinadas en programas de mellora nas pemes galegas, segundo o Plan Formativo do anexo III das bases, coa finalidade de formar a titulados universitarios en diversas áreas relacionadas coa profesionalización e desenvolvemento estratéxico da empresa.
A convocatoria está aberta a universitarios galegos que obtivesen a súa titulación no período 2010-2015. O prazo para a presentación de solicitudes é dun mes, a partir do día seguinta ao de publicación da convocatoria no DOG (16 de xuño).
Os titulados incorporaranse en primeiro lugar a un itinerario formativo especificamente deseñado para a participación no programa, e a continuación realizarán prácticas formativas baixo a tutela de axentes colaboradores do Igape en proxectos de mellora de pequenas e medianas empresas, apoio ao emprendedor ou proxectos colaborativos de asociacións ou clusters empresariais, período no que recibirán formación e titorización directamente por parte do axente colaborador.
Máis información
Guía explicativa
|
|
|
|
